Ермис ЛАФАЗАНОВСКИ (1961) филолог, доктор по филолошки науки, работи во Институтот за фолклор „Марко Цепенков“ – Скопје. Од октомври 2019 год. е и актуелен директор на Институтот за фолклор. Главните истражувачки интереси му се: народните приказни и легенди, урбаниот фолклор, визуелната култура, визуелната реторика на фолклорот. Има реализирано неколку студиски престои во странство: Јоенсу, Финска (1995), Чикаго, САД (1995), Загреб, Хрватска (2006), Берлин, Германија (2008), Грац, Аустрија (2008), Белград, Србија (2009), Кишинев, Молдавија (2009).
Проекти: „Фолклорот во Охридско-струшкиот регион“ (1998-2000), „Ambiguous identities and Nation Building in South-east Europe (2007-09), реализиран во соработка со Osteuropa Institut FU Berlin (Германија) и Универзитетот во Грац (Австрија), како и Macedonina Land Region, Borderland, проект на Faculty of Art Liberales, при Универзитетот во Варшава (Полска) во 2012-13. Списанието „Македонски фолклор“ (уредник 2000-02). Mонографии: Традиција, нарација, литература : влијанието на македонските народни приказ-ни врз современата прозна литература (1996), Македонските космогониски легенди (2000), Текст и менталитет (зборник со народни приказни од Кумановскиот регион) (2001), Антрополошки дијалози, (2002), Егзодусот на Македонците од Грција (женските приказни за Втората светска војна и нивниот егзодус) (коавтор) (2002), The exodus of the Macedonians from Greece (2002), Итар Пејо ‒ Мариовецот (2004), Митови за создавањето на светот (2006).
Линкови:
https://ifmc.ukim.mk/wp-content/uploads/2020/PDF/Ermis-Lafazanovski.pdf
www.ifmc.ukim.mk